Real Sociedad tadearen aurkako derbiarekin abiaraziko du Jolasetak denboraldia
22 Iraila 2017
Belar Hockeyko RC Jolasetak Errealaren aurka abiaraziko du Emakumezkoen maila goreneko liga larunbat honetan arratsaldeko 16:00etan Bidebieta-Aieteko instalazioetan. Benetan zelai zaila izango dute Getxotarrek lehendabiziko jardunaldi honetan.
Norgehiagoka berdindua espero da izan ere iazko denboraldian Donostian jokaturiko partidua 2-1 bukatu zen eta Negurin jokaturikoa banako berdinketarekin.
Partidu hau Guillermo Carnicer entrenatzailearen estreinako partidua izango da. Helburu nagusia proiektu hau mailarik gorenean egonkortzea izango da. Talde Getxotarraren hirugarren urtea da maila honetan.
San Cugat del Valléseko entrenatzailea Junior FC taldetik dator Getxora. Bertan Ohorezko mailako emakumezkoen taldeko staff-eko kidea izan da. Horrez gain emakumezkoen gazte mailako taldea gidatu du, Espainiako txapeldun izan delarik azken bi urteetan.
