Hasieran klubaren egitura sortzea izan zen lan gogorrena: estatutuak burutzea, errugbi kirolaren ezaugarriak zabaltzea, hainbat instituzioekin (Udala, Foru Aldundia) biltzea eta haien laguntza lortzea.
Zorionez oso erantzun ona jaso zuen klubak horregatik pixkanaka hazten joan zen. 90. hamarkada arrakastatsuena izan zen dudarik gabe. Garai hartan garaipen ahaztezinak lortu zituen getxoko taldeak : Ohorezko mailan txapelketa bat, errege kopako lau txapelketa eta txapeldunordea beste hainbat txapelketetan.
Urteak pasata errugbi kirolak aldaketa asko jaso ditu. Garrantzitsuena, profesionalismoa izan da. Horrek eragina handia izan du herrialde guztietan, batez ere goi mailako herrialdetan.
Euskadin eta Espainako ligan profesionalismoa ez da horaindik guztiz iritsi. Dena dela talde guztietan profesionalak daude gaur egun, gehienak kanpotarrak . Horrek errugbiaren kalitatearen maila igotzea suposatu du eta horrekin batera kluben aurrekontuak handitzea. Honetan Getxok beste klub guztiak bezala moldatu behar izan du eta horregatik hoberenetarikoa izatea du helburu. Hori, era baten, errege kopako finalera ailegatu zenean lortu zuen.
Gaur egun Getxo Errugbiak federatutako bost talde ditu eta eskolan beste bost. Horretaz aparte talde beterano bat du.
Kluba aurrera eramateko behar den egitura oso handia da, gutxi gora behera 50 pertsona aritzen dira lan horretan : zuzendariak, entrenatzaile eta monitoreak, delegatuak, fisioak, medikuak ….
Harrobia ikusmiran dago beti eta momentu honetan 200 jokalari aritzen dira eskolan.
