CV SESTAOK “BENEDICTA EFEKTUA” MANTENDU NAHI DU TORREJONEN AURKA
21 Otsaila 2019
Sestaoko taldeak talde madrildarra jasoko du larunbatean 19:30etatik aurrera etxean puntuak gehitzen jarraitzeko asmoz.
CV Sestaok Servicasa Macohenares Torrejón jasoko du larunbat honetan arratsaldeko 19:30etatik aurrera. Seigarren sailkatua da talde madrildarra. Sestaokoak etxean erakutsitako irmotasuna defendatzera irtengo dira Superliga 2ko 20. Jardunaldi honetan. Bizkaitarrak pasa den igandean puntuak lortzetik gertu izan ziren igandean Voley Playa Madrid taldearen etxean eta orain “Benedicta efektua” bilatuko dute, etxean jokatutako azken 5 partiduetatik 4 irabazi egin baitituzte.