LIGA AMAIERA ZORAGARRIA
16 Iraila 2013
Larunbatean, Bermeon irabazle eta igandean Portugaleten bigarren. Ligan bigarren postua
Larunbatean, San Miguel ligako azken aurreko estropada bermeotarrek irabazi zuten eta “Bermeoko ikurrina” etxean gelditu zen. Bermeotarrak eta Hondarribiarrak lehia bizian ibili ziren lehen postuagatik borrokan, estropada zoragarria eskainiz. Azkenean, bermeotarrek irabazi zuten guztion poztasunerako.
Igandean, “Bandera El Corte Inglés” izan da 2013ko San Miguel Ligako azken estropada. Lehen hiru luzeetan Bermeotarrek bigarren postuagatik borrokatu dute Oriokin, baina hirugarren ziabogan oriotarrak trabatuta gelditu dira eta bermeotarrek aurrera egin dute. Azkenean estropadako bigarren postua lortu dute eta ligan ere bigarren amaitu dute.
