MK-Coin

Sestao Xake Taldea 1981. urtean sortu zen. Sortu zenetik 35 urte baino gehiagoz gogor aritu da xakea hedatzen, eskoletan kurtsoak egiten, maila nazional zein internazionaleko txapelketekin, txapelketa ofizialen bidez, etab.Sestao Xake Taldea Dámaso Zugasti, Félix Arenas, Juan Viqueira, Eduardo Llano eta Jose Mª Martín jaunen ekimenari esker sortu zen, ordura arte Portugalete Xake Taldeko jokalariak zirenak. Haiei esker, gure kirola Sestao udalaren barruan finkatzeko beharrezko euskarriak lortu ziren.

Orduan izan zen Santiago Llanos Jaunak, orduko alkateak, Las Llanas udal polikiroldegiko ateak ireki zizkugula. Hainbeste denbora igaro ondoren leku berean jarraitzen dugu xakearekiko eta udalarekiko konpromezua mantenduz, xakearen alde eta beraz kulturaren alde egin duten alkateen babesarekin.

Gaur egun 100 bazkide baino gehiago ditugu, eta gure taldeak Bizkaia, Euskadi eta estatu maila gorenean lehiatzen dira. Baita ere, izen handiko Txapelketa Internazional Ireki bat antolatzen dugu, aurten 2018 urtean 34. aldiz ospatuko dena.

Gure baliorik handiena urtero titulodun irakasleekin antolatzen diren kurtso desberdinetan parte hartzen duten gazteak dira. Xakean ikasteko, liburutegi zabala dugu, eta gurea bezalako kirolari Internet-ek ematen dizkion aukerak erabiltzeko sarbidea ere badugu.

Gure lehen taldea aurtengo 2018 Espainiako Ohorezko Mailako Txapelduna da (estatuko maila gorena). Aurten lortutako garaipena bosgarren aldia izan da, 2012, 2013, 2016 eta 2017 urteetan lortutako garaipenak batuz. Estatu mailan ibilbide arrakastatsu hau 2007 urtean hasi zen, Lehenengo Mailan (Hegoaldea) garaipena lortu ondoren. Honekin batera, beste bost talde ditugu Bizkaia zein Euskadi mailan lehiatzen.

Gure eskola, 117 neska-mutil baino gehiago dituena, urtetik urte eskola mailan Bizkaiko Foru Aldundiak Bizkaiko Xake Federakuntzarekin batera antolatzen dituen txapelketetan parte hartzen du, askotan garaipena lortuz.

Gure 25. urteurreneko ospakizunetan antolatu genituen ekitaldietan gurekin batera José Luis Bilbao Eguren orduko Bizkaiko Foru Aldundiko Ahaldun Nagusia eta Anatoly Karpov, Maisu Handia eta Munduko Txapelduna egon ziren, Xake Talde honek egindakoari balio handia ematen diona. Sestao Xake Taldean gure proiektuetan etengabe kalitate pauso bat emateko asmoa dugu.

Gure Taldean kirolak pertsonei ematen dien balore onei garrantzia ematea bilatzen dugu, bereziki gazteengan. Talde lana, berdintasuna, prestutasuna, kiroltasuna, osasun ona etab. bezalako baloreak.

Xakeak eta kasu honetan Sestao Xake Taldea, gizartearekin, kirolarekin eta gure gazteekin konprometiturik dago. Lan handia daraman eguneroko erronka bat da, baina urteetan zehar nahiko ordain ematen diguna, jokalarien, familien, lagunen, instituzioen, laguntzaileen, zuzendaritzaren eta guztien esfortzua merezi duelarik.