Bizkaialde

Leioarrek partiduko azken zatian berdindu dute Waterpolo 98´02 nafarren aurka eta oso puntu sufritu eta baliotsua lortu dute, hiru partidu jarraian galdu eta gero bolada txarrari agur esanez.

Leioa WLB eta Waterpolo 98´02 taldeek berdinketa lortu zuten Askartza Guneko igerilekuetan jokaturiko derbi ikusgarrian. Partiduak oso momentu onak izan zituen, harmailetan giro itzela egon zen eta partidua irekita egon zen azken jokaldira arte.

Talde biek erasorako grina erakutsi zuten hasieratik, aurkariaren atea bilatuz etengabe. Lehen laurdena 3-3 bukatu zuen. Bigarren laurdenean partiduak erritmo berdinarekin jarraitu zuen, bukaeran 7-6. Zelai aldaketak kalte egin zion etxeko taldeari, 0-3ko partzialarekin eta Leioarrek 2 goleko desabantaila zuten.

Azken laurdeneko hasieran arbitroek Uxue Hernandez kanporatu zuten eta Nafarrak 7-10 jarri ziren aurretik. Dena galduta zegoela zirudienean Leioarrek bi gol sartu zituzten jarraian eta 9-10 jarri ziren. Partiduaren azken uneetan berdinketa lortu zuten eta azken jokaldietan talde biek gol bana sartu zuten eta 11-11koa ezarri zuten.

Puntu honi esker Leioarrek bigarren postuan jarraitzen dute 5 puntura eta azken hiru partidetako bolada txarrari agur esan diote. Sailkapena oso konprimitua dago

Partiduaren fitxa: http://www.rfen.es/publicacion/waterpolo/asp/ficha.asp?cod=16637