BI LASTERKETETAN LEHIATUKO DA SOPELA WOMEN´S TEAM ASTEBURU HONETAN
08 Martxoa 2019
Denboraldi honetan aurrenekoz bi lasterketetan lehiatuko da aldi berean Sopela Wolen´s Team taldea. Euskaldun Torneoan alde batetik eta Begikako Omloop van de Westhoek lasterketan (1.1) beste batetik.
Belgikako lurretara joango direnek 14:00etan dute irteera Ichtegem-en. 131,2km-ko ibilbide gorabeheratsua izango dute harbidearekin tartekatuz. 10 aldiz igaroko dira Keiberg eta Catteberg-etik. Aldapa oso gogorrak ez izan arren seguru lasterketa malda hauetan erabakitzen dela.
Beste alde batetik, etxean geratzen direnek Zaldibarko Emakumeen Saria izango dute 11:45etatik aurrera. Euskaldun Torneoko hasierako lasterketa honetan zirkuitu bat burutuko dute hasieran. Bertan Miota (2km %3,25) igoko dute Elorriotik eta ondoren Areitio izango dute zain 59.kilometroan (3km %4,1era). Ondoren berriz ere hasierako itzulia burutuko diote helmugako marra pasa aurretik Miota gainditu beharko dutelarik.