Bidaideak Bilbao BSR talde bueltan da
28 Iraila 2016
Domingo Gilen mutilek ilusioz abiatzen dute denboraldia, gurpil gaineko saskibaloiak merezi duen tokia lortzeko lanean jarraitzeko gogoz.
Aldaketa gutxi izan ditu taldeak, soilik Ruben Visoren irteera Gasteizeko Zuzenak taldera. Txema Avendaño santutxuarrak taldean jarraituko du.
Aurpegi berri bakarra izango da denboraldi honetan, Chrystel Alquier Frantziarrarena. Bilbao BSRko historian bigarren jokalari emakumezkoa izango da.
Zalantzarik gabe, Daniel Diazen errekuperazioa da Bilbotarrentzako albisterik onena, iazko errege kopan lesio larria izan baitzuen.
Rion izandako lau jokalariak urrian ekingo diote entrenamenduei
Aurre-denboraldian partida bakarra jokatu dute bilbotarrek. Partida hori Salto Bera Bera gipuzkoarren aurka jokatu zuten eta garaipena Bilbotarrentzat izan zen. Aurre-denboraldiko hurrengo partidak honakoak izango dira:
Urriak 1, Zuzenak vs Bidaideak Bilbao BSR
Urriak 15, Bidaideak Bilbao BSR vs Fundación Grupo Norte
Ligako lehen partida Urriaren 22an jokatuko dute Bilbon, Ferroleko Abeconsa Basketmi taldearen aurka.
